الجمعة، 17 يونيو 2011

وجع الناس


قالولى شعرك حزين
وكلامه بيمس القلب
بإحساس
دا وجعك الى خلاك تصرخ 
مش مجرد شعر وخلاص
أنا دايس فيكى يادنيا 
وعايش حكاويكى
دامش وجعى أنا 
 دا وجع الناس
همومك كتير 
وجدرانك منحوتة شجن
وأنين وبسمة مرسومة 
بقلم رصاص
مكتبش إزاى ؟
والصدق مفيش 
والحب فنى
ومحبوسين فى غابة 
مفيهاش حراس
مصرخش إزاى ؟
بوجع الناس
وأنا سامع آهاات 
من القلب مدبوحة 
ولا هعيش وخلاص
أعمى العين وبقلب نحاس
دا فى عرف البنى آدمين
الفرح  يوم 
والحزن مرارة سنين 
بيدور علينا بالكاس
وأنا أبقى مين ؟
أنا قلبى مات من سنين
الجرح للعايشين 
المظلومين  المطحونين 
وقلوبهم فوق للجرح وناس
أنا الى عايشهم 
بكتب بدمعى ألمهم 
مأنا لازم أخفف عنهم و
أهو يبقى لكلامى أساس
إسالو عنى المجروحين 
المخدوعين العاشقين
التايهين 
ال خابطهم  الزمان بالفاس
دقوا كل باب 
هتلاقوا الجواب 
نفس الجواب 
قصة متعاده فكل حكاية
مكتوبة فى الكراس
فتشوا فشروخ وجروح الماضى 
هتعرفوا انه ملوش دوا
ولا قاضى 
وداير على كل الناس
وبكرة هتتعاد مع ناس تانية
بوشوش تانية 
نفس الجروح تنزف الم 
وهيفضل يعاند فينا الزمن 
طول مافينا انفاس
دامش وجعى أنا 
ولا جرحى أنا 
دى هموم 
ودموع الناس
كل الناس

الجمعة، 10 يونيو 2011

إعتراف

أعترف لك
أنك كنت بالنسبة لى حلما
أصبو إليه وأتطلع إليه
دائما فى ذاكرتى
لم يخطر ببالى
أن تصبح يوما علما 
وحقيقة واقعية 
تحدث أمامى

أعترف لك 

بأنك أجمل الاحلام
التى تحققت فى حياتى
لم أعد أسبح معك فى خيالى 
فكنت أعشق الخيال
لانى لا أجدك إلا هناك
والان تحققت كل الامانى

أعترف لك
بأنى تحررت الان
من قيود الصمت 
ولم أعد أستطيع الان الكتابة
إلا عنك أنت 
فقد أصبحت بك الان إنسانه
تعرف الحب 
وتبدلت معها كلمات الاغانى

أعترف لك 
بأنك سر دوائى 
فأنت من اخذ بيدى 
واخرجنى من عالم النسيان
الى عالم الارواح
والتحدث بالعيون 
دون كلام 
فأنت من أعاد كيانى

أعترف لك 
بأنك أول من نظر لعقلى
قبل شكلى 
ولروحى قبل أنوثتى 
وصدق قلبى قبل أفعالى

أعترف لك 
بأنك من أيقظ طفولتى 
بداخلى وعشق برائتى 
وإندفاعى دون إنفعال 
فأنت من شجع أحلامى

أعترف لك
بأنى ساذجة خاوية 
محدودة التفكير أمامك 
أنظر إليك دائما 
بعين الاعجاب والانبهار
بحدة ذكائك
وفطنتك فى تحليل المعانى 

أعترف لك 
بأنى لا أقدر على الحياة 
من الان إلا بك
فأنت من سلب إرادتى 
كفعل السحر 
وسجن فى عالمه زمانى

أعترف لك 
بأنك سيدى 
ومالك قلبى 
والمرسى الذى على شاطئه 
إستقر وجدانى 
واصبح لى إسما
فى الهوى
كباقى الاسامى

السبت، 4 يونيو 2011

اتقدملى عريس

إتقدملى عريس
أسمر وحليوة 

وشكله ظريف
حدد معاده يوم الخميس
وساعتها 

أعلنا طوارئ فالبيت
من كنس ومسح وتنفيض
بابا خد لستت طلبات 

من لبس لزينة وفاكهه وحلويات
وبجملة المصاريف !!!!
ماما خدتنى للكوافير

شعر ومكياج
وكمان باديكير
لا زعقت ولا قالت دا كتير
ماهو كله لعيون الضيف
بصراحة انا كنت فرحانه

مع انى عامله زعلانه
وبقول يااخواتى 

دى جوازة تقليد تعقيد تقييد
مفيهاش تفاهم 

ولا حوارات
وعاملة فيها تقلانه

والحقيقة أنا كسبانه
لبس جديد 

وكمان كوافير
وجاتو وشيكولا 
وشربات
يوم الخميس 

فالميعاد بالظبط 
كنت خلاص  اتوضبت
وصل العريس ومعاه مامته 

وكمان حد من عيلته 
ماسك ورد بسلامته 
وأنا قلبى بيخبط تخبيط
قعدوا فالصالون 

وبابا كان بيهم مجنون
وأكيد فسرة بيقول 

يارب اكون منها ارتحت
وماما أهلا ومراحب

ومامته قاعده بتناكه
بتبص للبيت بقلاطه
سمعت كلام 

وضحك وحوارات 
وماما قال ايه جيالى
علشان تاخدنى ببساطه
شدتنى من أيديه 

وكنت خلاص هيغمى عليا
مكسوفة وفنص هدومى
إيه بس الى جرالى

داأنا عفريته وقروبه من يومى
ومتخدوش منى إلا لماضه
وقعدت جمب مامته

مانا لازم ارضيها خدوا بالكو
وعنيا مسبتش الارض

أهلا حبيبتى مرسى ياطنط
وشوية فتحوا فالحوارات
عروستنا فول اوبشن بالكماليات
وعريسنا يختى إسم الله عليه 

زين الشباب اه أومااال ايه
وأنا لسة وشى فالارض 

ساكته ولا بكلم حد
وصاحبنا شغال نظراته

من تحت لتحت
وشوية سمعت صوت نحنوح

بيقولى من فضلك ممكن ابوح
بصيتله قام قالى إسمك إيــــــــــــه
فضلت ابربش فعيونى

ونسيت الكلام فكرونى
دخلت ماما قوام عالخط 

لحقيتنى وشافتنى إتلخبطت
وأنا طبعا استلمتنى طنط
أسئله أسئلة وأنا لازم ارد
وعينى فالارض
وشوية وقاموا 

خلاص ماشيين
سلم عليا واحنا واقفين
مان 

كوول
دمه خفيف 
وحليوة وشكله ظريف 
 مشى مع مامته
وادى وش الضيف