أيام زمان

ياسلام  على أيام زمان 
وإحنا صغار

بتنور يافانوس
حياتنا بعد الفطار

شوارعنا زينا وأمان
واحنا بنلعب ليل نهار

لا فى حد خايف 
ولا حد شايف
الجنة نار

جنة بلادى 
بادين ولادي
محاصرنها بجدار

ويهل العيد 
والخير يذيد
بعد إنتظار

والفرحة طالة
مع أحبابنا هنا فالدار

منقوش ياكعك 
العيد قلوبنا 
بفرحة الانتصار

إبعد ياخوف 
بقه عن حياتنا 
خدنا القرار

حبينا روحنا
وبإدينا إحنا 
رفعنا الشعار

دى صلاة العيد
بلبس جديد
وقلب حالف

مايعرف الانكسار

سنين الظلم 
عدت علينا 
وبإيمان شبابنا

هنفضل  أحرار

                            كل عام وأنتم بخير عيد سعيد

                            ويارب الفرح دايما يعم عليناويزيد

بلدنا

بلدنا يابلدينا 

مش فيلم بنشوفه فى السيما 

ولا هى  كلمة فى غنوة قديمه 

دى محفورة فى قلوبنا
وأدينا 

بنتعب ونكافح 
ونحقق مطالبها علينا

بلدنا دى أسطورة 
لا يوفيها وصف

ولا تعبر عنها 
ميت ألف صورة وصورة

بلدنا دى جوانا 
فهمينها وفهمانا 

تقـســـى علينا 
وتجبنا وتودينا
الله شاهد علينا

لنحضنك بأدينا
وتحضنينا 

طول ما القوة فينا

بلدنا يعنى قوتنا 
هنصرخ بعلو صوتنا 

هنرجعك بأدينا 
ونعيشك وتعيشى فينا 

بلدنا خيرها جارف
وأناعارف وأنت عارف

مهما يسرقوا خيرها 
هتغرف وتدينا

بلدنا يابلادى 
يانبض صحى فؤادى 

بحبك دا شئ عادى 
دانتى دايما بتنادى

إتلموا ياولادى

وعالحلوة والمرة
بنشاركك وتشاركينا