نفسى أحب

نفسى أحب
 عايزة أحس إنى بشر

قلبى ينبض مش حجر

ينطق ويصرخ
 ويصحى كل الكون معاه

عايزة أثور مع الثوار

نفسى أكون من الاحرار

وأحلم وأعيش 

نفسى أفتح عنيا
 مع كل طلعة شمس 

ألاقيها بتضحك 
وبتحضن إدايا

عايزة أفوق من الوهم
 والليل الكئيب

وأطرد خوف السنين 
الى عشت ليه سجين

عايزة اعيش

نفسى أكسر وحدتى 
وأفوق بقه من غربتى

إلى محبوسه فيها من سنين

عايزة أحس بالامان
 بالدفء وشهامة زمان

نفسى أفرح عايزة أطير

هو العمر فيه كام نهار
 وفيه كام ليل

عايزة أغير دنيتى 
وأرسم حياتى بضحكتى

وليه السعاده 
متكونش يوم من قسمتى

نفسى لما الليل يليل
 ألاقى نجوم الليل لائلئ
وقلبى هادى ورايق
 ميسبش هم الكون وراه

عايزة أصحى من بالكهوف 
بصوت غنايا 

وقلبى الملهوف بحب الحياه

عايزة اعيش

نفسى أشوف بلدى جنة 

وأحبس جواها إلى خانها

نفسى أسكن طيور الليل الجارحة
  قطبان دهب 

وسط الغيطان والجناين 
يشوفونا بعيون حزينة طايرين

وعايشين اليوم وبكرة بألف فرحة

نفسى فحاجات كتير أوى 

نفسى أغنى وأرقص فالفضا 

وأسبح فى بحور غارقة

ملفوفة بأطواق النجاه

نفسى أحب 
عايزة  أعيش