السبت، 18 أغسطس 2012

نفسى ألعب زى زمان



نفسى أرجع ألعب زى زمان

فى شارعنا المليان زينا

ومنور بفوانيس رمضان

نفسى أجرى وأتنطط

مع الأطفال فى كل مكان

نفسى فى لمة العيلة حوالينا

ونعمل كعك العيد بأدينا

ونشيل الصيجان ونجرى

والفرحة فى عنينا على الفران

وأستنى ليلة العيد بقلب سعيد

وأمتى بكرة يجى أوام

وأفكر فى ألف فكرة

ومن الفرحه عيونى ماتنام

وأصحى بدرى

وألبس أجمل فستان

وأجرى ألم العيدية من بابا

وجدى وأعمامى والجيران

وأجرى ألعب أضحك

وأملى الدنيا فرحة
بس .. لو يرجع زمان

هناك تعليقان (2):

  1. بداخل كل منا طفل كبير

    يعشق الفرح والملبس الجديد

    ويفرح لكل ما هو غير نمطي

    كل عام وانت بالف خير

    موفقه على الدوام

    http://khaledmak.maktoobblog.com

    ردحذف
  2. أزال المؤلف هذا التعليق.

    ردحذف

قول ال فقلبك